Landbruksvikar

Landbrukstenester Folgefonna har 11 landbruksvikarar. Hovudoppgåva deira er å avløysa bonden dersom han/ho skulle verta sjuk eller skadd og treng hjelp med den daglege gardsdrifta, eller du kan bruka landbruksvikaren til ferie/fritidsavløysing dersom han/ho er ledig.

Sjukdom

I nokre høve, som ved operasjonar, fødsel, langtidssjukdom og liknande så veit ein i god tid at ein vil koma til å trenga landbruksvikar. Vi set pris på at du gir oss beskjed snarast råd, det forenklar arbeidet vårt med administreringa. Bur du i Buskerud ringer du Torbjørn Aalton : 930 94 485, og bur du i Hordaland ringer du 53 48 22 70.

Enkelte gonger skjer ting uventa, ei ulukke eller du vert plutseleg sjuk. Då har me ein vakttelefon som kan nyttast utanom kontortid. Her vil vi vera tilgjengelege heile døgeret, og jo raskare vi får beskjed, jo raskare kan vi ha ein landbruksvikar på plass hos deg. Vakttelefonen har nummer: 99 08 61 37

Ferie/fritidsavløysing

Ved ledig kapasitet kan landbruksvikaren brukast til vanleg avløysing, både dagleg fjøsstell og vedlikehaldsarbeid på garden. Kanskje har du nokre gjerder som skulle vore fiksa, reiskap som skulle vore vaska, eller eit beite som skulle vore rydda?

Prisar

Ved sjukdomsavløysing er prisen for landbruksvikar 1250 kroner per dag. Heile eller deler av beløpet  kan du få refundert frå Fylkeskommunen, og korleis du gjer dette finn du under Sjukdom i menyen til venstre. Ved avløysing ferie/fritid er prisen 210 per time, helg 300 pr time.